ډیر ژر …

ګلبهار بنسټ یو غېرې انتفاعي مخکښ سازمان دی چې د ګلبهار ګروپ( د هیواد او نړۍ په کچه نامتو تجارتي شرکت) تر چتر لاندې فعالیت کوي.
یاد بنسټ په 2010م کال د ښاغلي وحید حبیبي لخوا رامنځته شوی چې تر هغې راهیسې یې په هیواد کې د ننه او له هیواد څخه بهر په پاکستان کې هم د افغان کډوالو سره په بېلا بېلو برخو کې لکه: د کوچنیو کارو بارونو رامنځته کول، د بې وزلۍ کمول، په وړیا توګه د جوماتونو، کورنو، پلچکونو او استنادي دیوالونو جوړول، کلتوري چوپړتیاوې، روغتیایي پاملرنه، ښوونې او روزنې په برخه کې اسنتیاوې برابرول، مهاجرینو او بې ځایه شویو کورنیو لاس نیوی، د طبعي پېښو له زیانمن شویو سره بیړنۍ مرستې او داسې نور بې شمیره ښیګڼیز او بشري خدمتونه یې تر سره کړي او لا دوام لري.
د بنسټ د تآسیس ترشا د اړمنو خلکو او په تېره بیا د کلیوالي سېمو د بې وزلو هوساینه زموږ بنسټیزه انګیزه ده، ګلبهار بنسټ د ټولنې بې برخې خلکو ته د ژوند اسانتیاوو برابرول خپله اخلاقي او دیني مسوولیت ګڼي چې له نېکه مرغه په دې برخه کې مو ښې لاسته راوړنې درلودلي دي، موږ په پوره ژمنتیا سره هوډ لرو چې د یوې سوکاله افغاني ټولنې د درلودلو ارمان په واقعیت بدل کړو.